2013年9月30日 星期一

[ 淳.為食 ] 蜜汁叉燒 (附光波爐食譜)


放假在家又難得有興致,終於去清下自己的To Cook List啦!

之前係 +鬼嫁 度睇度個燒豬頸肉的食譜 (原食譜)。睇落簡單易整!就加入To Cook List啦!

今個假期就一次過整咗燒豬頸肉同咖哩燒雞翼。

今次寫左燒豬頸肉先~ 因為我好滿意出黎的效果,雖然被淳媽他們說似叉燒多過燒豬頸肉,但連被淳媽養到嘴挑挑的淳爸都讚好,就已經好滿足。

蜜汁叉燒
♥ 蜜汁叉燒 ♥ 個樣幾靚仔呢 ♥

原食譜係用焗爐,不過阿淳今次用光波爐,發現原來用光波爐控制的火力真係容易些而且時間會比焗爐縮減一半呢!另外因為有些材料家中沒有又唔想去買就改用其他代替。

2013年9月22日 星期日

[ 淳.記事 ] 里程碑 ♥ FanPiece開放式網上雜誌「星級專欄」


今日阿淳想同大家分享一件開心事!也是「淳.記事」的里程碑。

阿淳之前收到 「FanPiece開放式網上雜誌」的邀請,成為了他們的「星級專欄」編輯。換句話說,「淳.記事」的文章可藉著更多的平台分享給更多人。好野!

阿淳的專欄在此:http://www.fanpiece.com/tobeyourownshero/ 歡迎大家來坐坐。


其實阿淳也是第一次接觸「FanPiece開放式網上雜誌」,FanPiece 現時設有七本網上雜誌,分別為球迷世界、籃球地帶、數碼講、大娛樂家、旅遊嘆世界、品味人生同女人魅。網誌的內容是由熱愛或熟悉某方面內容的用戶 (a FAN of something)所創作的專欄作品 (a PIECE of work)組成的。而阿淳的專欄是屬於 「品味生活」雜誌的。























另外他們還有Apps可供讀者隨時隨地瀏覽各種精彩貼文,十分方便呢。你們也下載看看吧!


還有我們差不多每天都上的Facebook,他們也有專頁喔,會不定時發表一些推介的文章呢。

告訴大家!阿淳的School Food食評被他們選中成為精選文章,自己的作品被人賞識是十分高興的事呢!是阿淳繼續寫下去的動力!大家也多多支持!























其實他們不是全部都是星級Blogger,也有見習Blogger。星級Blogger的文章若有一定的瀏覽量是有稿費的,見習Blogger的文章若寫得用心,也是有機會被賞識成為星級Blogger的!另外,FanPiece 和 Salad Blog一樣有文章自動轉發的功能,可以省卻重覆貼文的時間。用心打一篇文章之後分發到多個平台接觸不同的讀者,又有機會得到稿費,大家也去試試吧!讓更多人可以欣賞更多的優質文章!

FanPiecee開放式網上雜誌:http://www.fanpiece.com/
淳.記事專欄:http://www.fanpiece.com/tobeyourownshero/




2013年9月19日 星期四

[ 淳.分享 ] One Heart One Voice ♥ 心聲籌款音樂會2013


如果大家有睇之前 Greyhound 抵飲之選個篇文,就知阿淳個日去了參加一個慈善音樂會!

係咪覺得阿淳好有文化氣息呢?(推太陽眼鏡)

图片
One Heart One Voice ♥ 心聲籌款音樂會2013

這個音樂會是由香港合唱新力量主辦並為他們這個合唱團籌款。

大家可能沒有聽過 「香港合唱新力量」,他們創立於2011年1月,團員為16至25歲之本地音樂愛好者。合唱團旨在提供優質且多元化的合唱音樂和啟發年青人對音樂之熱誠,同時向大眾推動藝術欣賞、慈善活動及社會責任。

阿淳在高中時期也是學校合唱團的一員呢,合唱講求合一,同一個聲部不同人的聲要合二為一,而不同的聲部更要互補成為一個和諧完美的音律。很高難度的呢!

不過,也不是每個人都有興趣去了解和欣賞合唱文化,而合唱的表演形式也比較少變化。

香港合唱新力量,除了旨在培養新血,也努力令合唱變得多元化!例如是流行曲 x 合唱團,甚至是粵曲 x 合唱團。

這次名為 One Heart One Voice 心聲的籌款音樂會,完全可以體現出他們合一想要推廣藝術、文化傳承的心。

多項表演中都見到有不同年紀的小朋友/青年擔任指揮、伴奏等角色,不同年齡的合唱團成員同心合力地完成一首樂團,雖然青年和小朋友的音域不一樣,但和唱配合起來是多麼的美妙,神所賜的禮物真的美好。

而令阿淳最感動的是一段講述父母對兒女的愛是不會變的,媽媽會為仔仔安排她應為對孩子最好的野,仔仔亦會為了讓媽媽開心努力完成媽媽的要求,但當孩子慢慢長大,自我意識愈來愈多的時候,媽媽安排的最好又是否適合孩子?而孩子又是否明白父母的愛沒變呢?

你願意繼續聽他們的心聲嗎?
香港合唱新力量 : http://hkvchoruszh.weebly.com/3177720171.html



2013年9月16日 星期一

[ 淳.為食 ] 姊妹淘 ♥ School Food ♥ 簡單而美味


上星期五是與姊妹淘 莎莎 的每月一聚,終於食到近排好Hit的 School Food 啦!

其實之前去過一次,但因為慢咗N步去攞籌,等唔到咁耐,所以去了食旁邊的越南野 芽莊越式料理。

今次有了之前的經驗,阿淳5點一下班就由荃灣衝去銅鑼灣。去到School Food就差不多6點,攞到的籌已經係59號!(大驚) 不過已經叫到49號。還好莎莎下班來到的時候就應該有得入。

IMG_7836

其實等到差唔多6點7,8已經唔派籌啦,好誇張!

等咗一個鐘,終於入到去啦,而莎莎都到了!時間剛剛好呀!o(≧o≦)o

用餐限時 1.5 小時呢!

以抵飲為原則,我們點了很多人推薦的 棉花糖草莓艾菲  ,1 Jar 可以Serve到 每人2至3杯呢。

IMG_7863
棉花糖草莓艾菲 ( $98 + 10% )

艾菲是以鮮果與梳打製成的,而棉花糖草莓艾菲是以 草莓 x 梳打 x 棉花糖 這個令少女為之傾倒的夢幻組合製成。

其實阿淳很怕一些莓類製成的飲品或糖果,因市面上大部份莓類製品都是有種藥水味,所以阿淳都敬而遠之。

今次這個艾菲,第一啖飲下去都有微微的藥水感,但真的喝到草莓的籽,所以可能是梳打的關係,但之後再飲的時候,藥水味又不是太明顯,可能是我們之前攪拌得不夠,冤枉了艾菲啦。╮(╯3╰)╭

下次可以試其他艾菲。

之後我們還點了 校園花卷 ♥ 地獄辣醬年糕♥ 水冷麵 ♥ 

2013年9月10日 星期二

[ 淳.為食 ] Greyhound Cafe 抵飲之選 ♥ Butterfly Pea & Stevia Tea


唔知你地覺唔覺得,唔係屋企,自己一個要係街度 Hea 時間,真係好難頂。

其實阿淳都喜歡自己一個人行街,想去邊就去邊。

但弊在有時行行下街的結果會變成行街有時,花錢有時

有時真係冇咩抵抗力ga ma....

就好似上星期六咁,阿淳全日係旺角,本來時間安排都唔錯。

上午10時半去朋友生日會 -> Lunch同朋友食飯 -> Hea一陣 -> 去睇慈善音樂會 -> 回家

但好笑就好笑在,原來個生日會係晚上10時半唔係早上... (ga)

結果阿淳上午已經出左去旺角,行程變左 Hea一陣 -> Lunch同朋友食飯 -> Hea一陣 -> 去睇慈善音樂會 -> 去朋友生日會 -> 回家。

多咗一段時間Hea一陣 = 多了花錢的機會。

上午阿淳去Hea一陣 (買禮物俾朋友) 的時候,唔覺意買咗個包包俾自己。

為咗唔俾自己再花大量的錢,其實阿淳可以花的錢都係有限度ge....

所以係第二段Hea的時間去咗睇 「激戰」。(其實唔洗錢可以去圖書館lor...)

經過旺角新世紀,原來Greyhound Cafe剛剛係旺角開咗新分店,就入去啦!(終於講到題....)

其實Greyhound Cafe都算係高消費的地方,所以入去前阿淳都幾爭扎ga...

當時5點左右,食晚餐,但其實唔係好肚餓,叫咗個青木瓜沙律、單骨雞翼。

(咁都叫唔肚餓?!淳:嗯...本來想食雞翼,但單叫雞翼冇蔬果又好似唔係咁好,加上成日都冇食過菜,又係晚餐....下刪一萬字廢話...)

基於只食野Hea唔到兩個鐘,所以阿淳決定叫野飲。(又係藉口)

但睇完個Menu,凍飲係貴兼快飲完,唔叫!

之後阿淳見到原來Hot Tea係最平ge,好C9地問完侍應可唔可以Refill熱水之後,就點咗Butterfly Pea & Stevia Tea ($28)。

Butterfly pea and Stevia Tea

2013年9月3日 星期二

[ 淳.攝影 ] 武漢之旅 (隨影)

Wuhan 2009Wuhan 2009Wuhan 2009Wuhan 2009Wuhan 2009Wuhan 2009
Wuhan 2009Wuhan 2009Wuhan 2009Wuhan 2009Wuhan 2009Wuhan 2009
Wuhan 2009Wuhan 2009Wuhan 2009Wuhan 2009Wuhan 2009Wuhan 2009
Wuhan 2009Wuhan 2009Wuhan 2009Wuhan 2009Wuhan 2009Wuhan 2009
Flickr 上的相片集 Wuhan

阿淳在IVE的時候,是修讀攝影、平面設計和印刷的。

所以在畢業那年的聖誕節,阿淳和老師同學們一起去武漢大學交流。

還記得武漢的冬天很冷,一行人穿得像糭一樣。

第一次睡硬臥,第一次吃紅薯粉、第一次用普通話Present。

那時候很愛攝影,單鏡機機不離手,看到什麼有感覺就影。

不像現在...比較像樣的相機也沒有。

可能出完這篇,淳.攝影的單元就可以摺埋....

但阿淳依然希望可以再有特地去某一個地方靜靜拍攝的衝動。
Related Posts Plugin for WordPress, Blogger...