[ 淳．分享 ] One Heart One Voice ♥ 心聲籌款音樂會2013

如果大家有睇之前 Greyhound 抵飲之選個篇文，就知阿淳個日去了參加一個慈善音樂會！

係咪覺得阿淳好有文化氣息呢？(推太陽眼鏡)

One Heart One Voice ♥ 心聲籌款音樂會2013

這個音樂會是由香港合唱新力量主辦並為他們這個合唱團籌款。

大家可能沒有聽過 「香港合唱新力量」，他們創立於2011年1月，團員為16至25歲之本地音樂愛好者。合唱團旨在提供優質且多元化的合唱音樂和啟發年青人對音樂之熱誠，同時向大眾推動藝術欣賞、慈善活動及社會責任。

阿淳在高中時期也是學校合唱團的一員呢，合唱講求合一，同一個聲部不同人的聲要合二為一，而不同的聲部更要互補成為一個和諧完美的音律。很高難度的呢！

不過，也不是每個人都有興趣去了解和欣賞合唱文化，而合唱的表演形式也比較少變化。

香港合唱新力量，除了旨在培養新血，也努力令合唱變得多元化！例如是流行曲 x 合唱團，甚至是粵曲 x 合唱團。

這次名為 One Heart One Voice 心聲的籌款音樂會，完全可以體現出他們合一想要推廣藝術、文化傳承的心。

多項表演中都見到有不同年紀的小朋友/青年擔任指揮、伴奏等角色，不同年齡的合唱團成員同心合力地完成一首樂團，雖然青年和小朋友的音域不一樣，但和唱配合起來是多麼的美妙，神所賜的禮物真的美好。

而令阿淳最感動的是一段講述父母對兒女的愛是不會變的，媽媽會為仔仔安排她應為對孩子最好的野，仔仔亦會為了讓媽媽開心努力完成媽媽的要求，但當孩子慢慢長大，自我意識愈來愈多的時候，媽媽安排的最好又是否適合孩子？而孩子又是否明白父母的愛沒變呢？

你願意繼續聽他們的心聲嗎？
香港合唱新力量 ： http://hkvchoruszh.weebly.com/3177720171.html

[ 淳．為食 ] 姊妹淘 ♥ School Food ♥ 簡單而美味

上星期五是與姊妹淘 莎莎 的每月一聚，終於食到近排好Hit的 School Food 啦！

其實之前去過一次，但因為慢咗N步去攞籌，等唔到咁耐，所以去了食旁邊的越南野 芽莊越式料理。

今次有了之前的經驗，阿淳5點一下班就由荃灣衝去銅鑼灣。去到School Food就差不多6點，攞到的籌已經係59號！(大驚) 不過已經叫到49號。還好莎莎下班來到的時候就應該有得入。

其實等到差唔多6點7,8已經唔派籌啦，好誇張！

等咗一個鐘，終於入到去啦，而莎莎都到了！時間剛剛好呀！o(≧o≦)o

用餐限時 1.5 小時呢！

以抵飲為原則，我們點了很多人推薦的 ♥棉花糖草莓艾菲 ♥ ，1 Jar 可以Serve到 每人2至3杯呢。

棉花糖草莓艾菲 ( $98 + 10% )

艾菲是以鮮果與梳打製成的，而棉花糖草莓艾菲是以 草莓 x 梳打 x 棉花糖 這個令少女為之傾倒的夢幻組合製成。

其實阿淳很怕一些莓類製成的飲品或糖果，因市面上大部份莓類製品都是有種藥水味，所以阿淳都敬而遠之。

今次這個艾菲，第一啖飲下去都有微微的藥水感，但真的喝到草莓的籽，所以可能是梳打的關係，但之後再飲的時候，藥水味又不是太明顯，可能是我們之前攪拌得不夠，冤枉了艾菲啦。╮(╯3╰)╭

下次可以試其他艾菲。

之後我們還點了 ♥校園花卷 ♥ ♥地獄辣醬年糕♥ ♥水冷麵 ♥ 

[ 淳．為食 ] Greyhound Cafe 抵飲之選 ♥ Butterfly Pea & Stevia Tea

唔知你地覺唔覺得，唔係屋企，自己一個要係街度 Hea 時間，真係好難頂。

其實阿淳都喜歡自己一個人行街，想去邊就去邊。

但弊在有時行行下街的結果會變成行街有時，花錢有時。

有時真係冇咩抵抗力ga ma....

就好似上星期六咁，阿淳全日係旺角，本來時間安排都唔錯。

上午10時半去朋友生日會 -> Lunch同朋友食飯 -> Hea一陣 -> 去睇慈善音樂會 -> 回家

但好笑就好笑在，原來個生日會係晚上10時半唔係早上... (邊有人上午開生日會ga？)

結果阿淳上午已經出左去旺角，行程變左 Hea一陣 -> Lunch同朋友食飯 -> Hea一陣 -> 去睇慈善音樂會 -> 去朋友生日會 -> 回家。

多咗一段時間Hea一陣 = 多了花錢的機會。

上午阿淳去Hea一陣 (買禮物俾朋友) 的時候，唔覺意買咗個包包俾自己。

為咗唔俾自己再花大量的錢，其實阿淳可以花的錢都係有限度ge....

所以係第二段Hea的時間去咗睇 「激戰」。(其實唔洗錢可以去圖書館lor...)

經過旺角新世紀，原來Greyhound Cafe剛剛係旺角開咗新分店，就入去啦！(終於講到題....)

其實Greyhound Cafe都算係高消費的地方，所以入去前阿淳都幾爭扎ga...

當時5點左右，食晚餐，但其實唔係好肚餓，叫咗個青木瓜沙律、單骨雞翼。

(咁都叫唔肚餓？！淳：嗯...本來想食雞翼，但單叫雞翼冇蔬果又好似唔係咁好，加上成日都冇食過菜，又係晚餐....下刪一萬字廢話...)

基於只食野Hea唔到兩個鐘，所以阿淳決定叫野飲。(又係藉口)

但睇完個Menu，凍飲係貴兼快飲完，唔叫！

之後阿淳見到原來Hot Tea係最平ge，好C9地問完侍應可唔可以Refill熱水之後，就點咗Butterfly Pea & Stevia Tea ($28)。

[ 淳．攝影 ] 武漢之旅 (隨影)

Flickr 上的相片集 Wuhan 。

阿淳在IVE的時候，是修讀攝影、平面設計和印刷的。

所以在畢業那年的聖誕節，阿淳和老師同學們一起去武漢大學交流。

還記得武漢的冬天很冷，一行人穿得像糭一樣。

第一次睡硬臥，第一次吃紅薯粉、第一次用普通話Present。

那時候很愛攝影，單鏡機機不離手，看到什麼有感覺就影。

不像現在...比較像樣的相機也沒有。

可能出完這篇，淳．攝影的單元就可以摺埋....

但阿淳依然希望可以再有特地去某一個地方靜靜拍攝的衝動。

[ 淳．分享 ] 移民了~訂閱小幫手推介 www.bloglovin.com

Y! Blog的安樂死，令Blog友好頭痛。

可以用黎形容今次情況的有：

Blog界移民潮、Blog友大遷徙。

唔知大家搬去邊呢？一定要話俾小淳聽你地搬左去邊呀！等小淳可以繼續Follow你地！
小淳已經決定搬去Blogspot啦，個邊同Tumblr一樣可以一個戶口管理多個blog，介面自由度很大，而且是中文介面。

係人流可能會少一點，但我相信大家有心就會相見的！

小淳家的新地址：http://tobeyourownshero.blogspot.hk/ 要多d黎探我呀~~~ 



其實Blogspot仲有一樣野唔係咁好，就係有d獨家村，想搵其他Blogger都好難搵。

所以之前小淳都諗住要逐個blog友bookmark。

不過多謝Blog友 Ben Ha 的介紹！我找到了一個可以follow晒所有人的Blog的地方！超感恩的！

就是  www.bloglovin.com 。

它是一個可以訂閱任何網誌的平台，有點像以前 Google+ 的閱讀器。

只需三個步驟，就輕鬆訂閱！

Step 1 將小淳的網址 http://tobeyourownshero.blogspot.hk/ 打在search blogs欄。



Step 2 找到小淳的blog了，按 Follow 吧！



Step 3 成功了！可以看到小淳的文章了！要多多留言和小淳聊天喔！



希望依個分享可以幫到大家啦~對了！小淳也有Facebook的專頁呢！也請大家到小淳的專頁，串串門，聊聊天！

小淳的Facebook： https://www.facebook.com/tobeyourownshero Follow my blog with Bloglovin

[ 淳．為食 ] 食在 ♥ 泰國篇 (下)

講完Greyhound同童年回憶，今次講下泰國的唐人街。

華人遍佈全球，所以世界各地都有一條華人聚居的唐人街。

這次我們去唐人街食海鮮、翅同燕窩！

不過而加唔興食翅，你地會唔會去食就自己諗啦~

T & K 海鮮

師兄他們和阿淳的口味很像，都喜歡吃海鮮、辣野。

所以，黎到依個moment，真係手快有手慢冇。




椒膏炒蜆